انصار: ( دلیندی ۲۳مه) ،اوچا په اېکس کې په یوه اعلامیه کې د نړۍ له هېوادونو غوښتي چې پر انسانیت پانګونه وکړي.
په هم دی حال د ملګرو ملتونو د بشري مرستو د همغږۍ دفتر (اوچا) وايي، چې بلغاریا له افغانستان ۳۰ زره یورو مرسته کړې ده.
اوچا ویلي چې دا مرسته د افغانستان لپاره د ملګرو ملتونو د بشري مرستو له صندوق سره شوې او په روان ۲۰۲۴ کال کې به د اړمنو کسانو سره د مرستې په توګه ولګول شي.
دا په داسې حال کې ده چې تر دې مخکې ملګرو ملتونو راپور ورکړی و چې افغانستان کې شاوخوا ۲۳ میلیونه کسان بشري مرستو ته اړتیا لري.
په ورته مهال اوچا د لیندۍ میاشتې په ۱۹مه په خپل راپور کې ویلي، چې د روان کال سپټمبر له میاشتې وړاندې افغانستان کې ۱۵٫۳ میلیونه کسانو مرستې تر لاسه کړې دي.
دغه سازمان دا هم ویلي چې روان کال کې یې نړیوالو بنسټونو ته له افغانستان سره د مرستو په موخه ۳٫۰۶ میلیارد ډالرو مرستې وړاندیز کړی چې تر دا مهال یې یوازې ۹۵۸ میلیونه ډالر تر لاسه کړي دي.
له دې سره په یو وخت ناروې هم د افغان مېرمنو د توانمندۍ لپاره نیږدې یو میلیون ډالر مرستې اعلان کړې دی.
URL تعقيب: https://www.ansarpress.com/pashto/34805
